PAUNAWA PARA SA MGA KONSYUMER NG NEECO 1 TUNGKOL SA BAGONG PATAKARAN SA PUTULAN ALINSUNOD SA ANUNSIYO NG ENERGY REGULATORY COMMISSION
Ang Nueva Ecija 1 Electric Cooperative, Inc. (NEECO 1) ay hindi muna magpapatupad ng pagpuputol ng serbisyo ng kuryente para sa mga hindi mababayarang konsumo na hindi tataas sa 60 kWh kada buwan base sa inaprubahang lifeline consumption level ng ERC.
Ang sakop ng patakarang ito ay ang mga singilin para sa nakonsumong kuryente (billing periods) na nakapaloob sa panahon nang maipatupad ang pagpapalawig ng BAYANIHAN TO RECOVER AS ONE ACT. Pasok dito ang mga billing periods simula SETYEMBRE 14, 2020 hanggang DISYEMBRE 31, 2020.
Para sa NEECO 1, ito ang mga billing periods ng Agosto, Setyembre, Oktubre, at Nobyembre na siningil o sisingilin mula Setyembre hanggang Disyembre ng taong ito. Datapwat, ang mga bayarin na mas mataas sa 60kWh kada buwan ay hindi masasaklawan ng patakarang ito.
Lubos naman ang pasasalamat ng NEECO 1 para sa mga miyembro-konsyumer-kamay-ari na makakabayad bago o sa mismong araw ng due date. Ang inyong pagiging maagap at pakikiisa ay makakatulong sa pagpapanatili ng ating maayos na serbisyo.
Ang mga tanggapan, ahensiya, mga pribadong korporasyon ng gobyerno at iba pang sangay nito ay hindi kabahagi o apektado ng pagsasakatuparan ng patakarang ito.
Para sa mga katanungan, maaaring tumawag sa numerong 486-0201 o kaya ay sumangguni sa NEECO 1 Facebook Page mula Lunes hanggang Biyernes, 8:00 ng umaga hanggang 5:00 ng hapon. Para 24/7 hotline, maaaring tumawag sa 486-0201 (NEECO 1 Main Office,) o mag-text sa 0917-550-0397 (Globe at TM) at 0933-827-1010 (Smart, Sun, at Talk and Text.)
Para sa kumpletong detalye, sundang ang opisyal na anunsiyo ng Energy Regulatory Commission gamit ang link na ito: https://www.facebook.com/ERCgovPH/posts/725601358163225
Mga Kadalasang Katanungan (Frequently Asked Questions)
1.Bakit mga konsyumer lamang na tinaguriang “lifeliners” ang maaaring hindi maputulan kung hindi makakabayad base sa ERC Advisory na ito?
- Dahil ito ang nakasaad sa balangkas ng mga alituntuning ipapatupad base sa Energy Regulatory Commission na nakakasakop sa mga distribution utilities kagaya ng NEECO 1.
2. Bakit hanggang konsumong 60 kWh kada buwan lamang ang maaaring hindi maputulan ng serbisyo ng kuryente ng NEECO 1 sa panahong ipapatupad ang patakaran ng ERC Advisory ng
Oktubre 29, 2020?
- Dahil ayon sa pagtutuos ng ERC, ang hangganan ay dalawang beses na bilang ng kilowatt-hour (kWH) na konsumo kada buwan ng maximum lifeline consumption level na itinakda para sa NEECO 1. Ang maximum lifeline consumption level na aprubado ng ERC para sa NEECO 1 ay 30 kWh na konsumo kada buwan.
3. Bakit may nakikita o nababasa kami sa balita na ang threshold o hangganan nang maaaring hindi putulan ay hanggang 200 kWh na konsumo kada buwan?
- Ang inyong nakikita o nababasa na balita sa telibisyon, diyaryo, o social media ay para sa mga lifeline consumers ng isang private distribution utility. Magkaiba ang lifeline consumption level ng private distribution
utility na ito at ng NEECO 1 maging ang sa 120 pa na electric cooperatives.
4. Kailan ipapatupad ng NEECO 1 ang bagong patakaran sa putulan?
- Ito ay ipapatupad simula Oktubre 30, 2020 hanggang Disyembre, 2020.
5. Ano ang mga billing periods na makakasama sa bagong patakarang ito?
- Para sa NEECO 1, ito ang mga billing periods ng Agosto, Setyembre, Oktubre, at Nobyembre na siningil o sisingilin mula Setyembre hanggang Disyembre ng taong ito.
6. Bakit hindi ipapatupad ng NEECO 1 ang 30 araw na palugit bago ang pagputol ng serbisyo ng kuryente sa mga hindi makakabayad?
- Ayon sa anunsiyo ng Energy Regulatory Commission (ERC) noong Oktubre 29, 2020, ipapatupad lamang ang palugit na 30 araw sa mga lugar na napasailalim sa ECQ at MECQ sa mga buwan na nasasaklaw ng
patakarang ito. Ang Nuweba Esiha ay hindi kasama sa mga lugar na ito.
