Mahalagang isagawa ang Annual Preventive Maintenance ng mga power substations para matiyak na nasa magandang kondisyon ang nagsisilbing converter ng supply ng kuryente mula generation, at transmission.
Ang mga power substations ang nagpapababa ng matataas na boltahe ng kuryente mula sa transmission (NGCP), para dumaloy ng maayos ang kuryente sa mga distribution lines, patungo sa mga bahay nating mga member-consumer-owners.

Mabusising sinusuri ang mga piyesa nito para makita kung may mga tagas ng langis, at mapalitan ang mga sirang bahagi para mas tumagal at maging maayos ang operasyon nito.